Kumpulan Kisah Lucu Bahasa Banjar

Assalamualaikum wr wb, Ui bubuhan banua kaya apa habar pian berataan? Nah mudahan sehat wal afiat berataan lah, ulun disini handak bakisahan lucu Bahasa daerah banjar menghibur pian pian berataan pengunjung Blog GudangTawa ini Blognya orang Banjar, mudahan pian tahibur berataan, kada usah tatawa nyaring gin biar hah pian tesenyum sedikit gin ulun himung sudah hihihi.

Nah pada kesempatan ini ulun bakisah tentang Amang Adul yang manghadiri acara undangan orang sugih sabanua. Nah yang kaini kisahnya;

Pada suatu hari ada Bos batu bara paling sugih sabanua sedang meadakan acara dirumahnya yg liwar ganalnya, ujar orang rumahnya ni nang kaya istana raja liwar ganalnya. Duitnya sing banyakan sampai bisa diulah isi bantal wan guling, bininya haja banyak banar maka bungas- bungas hah pulang, diatas rumahnya haja ada landasan hilikopter, pokoknya paling sugih tupang sabanua. Sampai kolam renangnya haja baisi buaya sing banyakan. Maka ganal- ganal hah pulang buayanya, mambari gair tu pang dilihat, ngarannya orang sugih tih sakahandaknya ai manukar buhaya. Nah si Bos batu bara ini badiri diatas loteng menara ujar bahasa Banjar kerenya di menara life Guard supaya orang yang hadir ini kawa malihat wan sidin berataan.

Nah imbah itu dimulailah pesta, si Amang Adul ini umpat jua datang mahadiri kaundangan. sambil masuk karumah Bos batu bara nih palingau- palingau hah gulu Amang Adul melihati isi rumah orang sugih nih, takjub banar melihat rumah yang liwar ganalnya kayak istana. Lawan tanganga takjub malihat kolam renang yang hibak wan buaya. Umaa berapa saikung manukar buaya tu ujar amang Adul magarunum….

Pas Ditengah- tengah Pesta Bos Batu bara ini baucap “ wahai hadirin sebarataan, Siapa yang wani bakunyung dikolam buaya ku ni sampai kaujung kolam maka aku akan mambari hadiah duit yang banyak!” Ujar sidin. Lalu ai seberataan orang tadiam, siapa yang wani batajun kakolam buaya tu. ditungapnya banari amun buayanya sing banyakan kaitu ganal-ganal hah pulang. Kira2 yang taguh gin bapikir 10 X batajun hihihi.

Imbah kadada jawaban maka Bos batu bara ni baucap lagi “ Siapa orang pertama yang wani betajun kakolam buaya ni kubari duit plus rumah! Ujar sidin. Tapi kadada jua yang wani meangkat tangan.

Imbah itu baucap lagi sidin, Siapa yang wani kutambahi Rumah, Mobil, Pesawat terbang, sebarataan ampun ku! Termasuk saham, surat berharga  dan sebarataan biniku yang bungas bungas nih! Ujar sidin.

Imbah kada sawat lawat Bos Batu Bara baucap BYUUURRRR!!! Tadangar ada yang batajun, takajut ai berataan orang, imbah diperhatikan sakalinya Amang Adul sudah didalam kolam, Uma langsung buaya-buaya tadi mengerubuti Amang Adul handak memakan, Amang Adul beusaha setengah mati menghindari buaya bekelit kesana kemari bagumpal wan buaya yang banyak tu. Imbah 15 menit berusaha akhirnya amang Adul sampai jua bakunyung kesubarang Kolam. Sambil manggah Amang Adul naik keatas Kolam dengan selamat. Nah langsung ai si Bos Batu Bara tadi turun diatas menara bukah langsung meragap wan Amang Adul.

Bos batu Bara : “Bah percaya aku wan ikam ni!, Dasar ganal hampadal kam ni! Kam handak duitnya wahini kah?”

Amang Adul : “Aku kada handak duit!’’

Bos Batu Bara : “ Amun kaitu handak rumah kah?”

Amang Adul : Kada! Aku kada handak Rumahnya!”

Bos Batu Bara : Amun kaitu Saham wan surat berharga handaklah?”

Amang Adul : Kada aku kada handak jua!”

Bos Batu bara : Amun kaitu ikam handak biniku yang bungas- bungas wan bahinol tu kah?”

Amang Adul : Kada aku kada handak itu jua!”

Bos Batu bara : Nah ham kahandak ikam apa pang??? (sambil manggaru kapala bingung)

Amang Adul : Aku ni handak tau banarai siapa garang yang manunjul aku ka Kolam tadi! Dasar bungul banar! Jar amang Adul sambil mahingak hingak manahan sarik…

Nah kaya apa  sanak kisah diatas mudahan kawa mahibur pian berataan hihihi, kada usah tatawa nyaring gin pian takurihing gin sanang banar sudah ulun, Lagikah kita bakisah Lucu Bahasa Banjar, ayu ja kita bakisah balucuan lagi nah. Jadi kisah berikutnya ni tentang Amang Adul yang masuk keresturant handak memesan makanan.

Nah jadi kisahnya kaini, Amang adul ni masuk kesebuah restaurant handak mamasan makanan, dudukai Amang Adul ni sambil mambuka- buka menu makanan, Imbah sudah ada pilihan makanan yg dipesan lalu ai amang Adul mangiau pelayannya yang bungas wan bahenol. “ Ui mbak jar amang adul sambil mangijipi mata wan pelayan, Napa man? Ujar pelayan. Imbah dikaiau paman lalu ai Amang Adul Pina masam muha , padahal rambut liwar miningnya sudah basurui tatapai dikiau orang paman, Sabarai jar amang Adul.

Imbah itu Amang Adul memesan saikungan ayam, kisah baduit nih amang Adul hihihi. Kada sawat lawas mahadangi Pelayan Bahinol tadi datang mambawa pesanan saikungan ayam. Imbah Amang Adul handak memakan ayam tu tiba- tiba datang pulang pelayan yang bahinol tadi,

Pelayan : Nah maaf Paman ai ulun tadi salah meantar pesanan” yang ini tadi gasan orang yang disubalah tu nah” ujar pelayan tadi sambil manunjuk wan orang duduk disubalah. Maka orang yang disubalah tu penampilan pina seram banar, ganal banar awaknya kaya binaragawan, muha liwar sangarnya , sisingut haja malanting mambari takutan. Pokoknya kaya Preman tu pang liwar seram banar penampilan.

Nah karena gengsi wan pelayan bahinol tadi Amang Adul kisah kada mau diambil pesanannya, padahal dalam hati amang Adul manggatar jua ai takutan kalo dipupuhnya oleh preman tadi, tapi kisahnya ai wani, karena Amang Adul  gengsi wan pelayan bahinol.

Amang Adul : “Bah kada kawa mbak ai, ayam ni sudah dimeja ku beandak” Ujar Amang Adul.

Mandangar ujar Amang Adul tadi lalu si Preman ni bediri mandatangi Amang Adul.

Preman : “Apa jar kam tadi! Amun ikan sampat meangkat ayam tu sama nasib ikam kaya ayam itu!” Ujar Preman tadi meancam. “Amun ikam tatak sayapnya, maka kutatak jua tangan ikam! Amun ikam tatak batisnya, maka kutatak jua batis ikam! Amun ikam tatak kapalanya, maka kutatak jua kapala ikam! Paham lah Ikam!” Ujar Preman meancam.

Si Amang Adul tesenyum haja mandangar ancaman preman tu, imbah itu dengan santainya amang Adul meangkat ayamnya lalu manjilat burit ayam tadi.

Nah paksa am Preman tadi Manjilat jua burrit Amang Adul! Wkwkwkwk…

Nah kaya apa kisah- kisah diatas, mudahan kawa mahibur pian- pian berataan lah, jadi yg sakit hati ditinggal pacar atau yg lagi galau kawa takuruhing ya kalo hihihi. Sadang hah kalo lah kita bakisah ulun uyuh jua nah mangatik, ayuja kaina lagi kita bakisah lucu, nantikan kisah- kisah lucu bahasa Banjar berikutnya yg dijamin lebih lucu lagi hanya di Blog ini Gudangtawa.com blognya orang Banjar. Ulun pamit dahulu nah Assalamualikum wr wb… Dadaah.

Tweet

Subscribe to receive free email updates: